Класічны трохкутнік у Любанскім раёне Мінскай вобласці завяршыўся забойствам суперніка.
«Здавалася б, усё было добра ў сям’і 53‑гадовага брыгадзіра трактарнай брыгады з Любанскага раёна, які ажаніўся са сваёй падначаленай — 35‑гадовай запраўшчыцай трактарнай тэхнікі. Аднак мінулым летам ён даведаўся пра здраду жонкі з яго падначаленым — 35‑гадовым трактарыстам. Адбывалася усё як у класічным любоўным трохкутніку: сваркі, сыход з дому, просьбы спыніць сувязь і, нарэшце, пагрозы забойствам, якія рэалізаваліся 30 красавіка.
У гэты дзень каля 9‑й вечара падмануты муж, узяўшы з сабой абрэз паляўнічай стрэльбы, прыехаў у вёску, дзе жыў супернік, і стрэліў з абрэза яму ў жывот. Пацярпелы ад атрыманых цялесных пашкоджанняў памёр на месцы.
Па дадзеным факце пракуратура Любанскага раёна завяла крымінальную справу па ч.1 арт.139 Крымінальнага кодэкса Беларусі. Падазраваны арыштаваны, вядзецца следства.
Каментары