Айцішнік назбіраў да 28 гадоў $10 мільёнаў. Хоча пайсці на пенсію, але баіцца, што не хопіць
Айцішнік з Meta падзяліўся на платформе Blind даволі нетыповай праблемай. Да сваіх амаль 29 гадоў ён назбіраў каля $ 10‑15 мільёнаў у выглядзе інвестыцый, пенсійных адлічэнняў, крыпты і іншых ашчаджэнняў. Ён задумаўся, чаму б не зладзіць сабе раннюю пенсію, але не можа наважыцца на такі рызыкоўны крок, бо з улікам інфляцыі, дынамікі даляра і кірунку, у якім коціцца грамадства, грошай яму да канца жыцця можа і не хапіць, піша Devby.io.
Мужчына папрасіў супольнасць прагаласаваць, што яму цяпер рабіць. Да моманту напісання артыкула сваё меркаванне выказалі 633 карыстальнікі пляцоўкі. Дзве траціны з іх раяць сыходзіць.
А ў каментарах сталі дзяліцца парадамі. Многія адзначалі, што ашчаджэнняў айцішніка сапраўды можа быць мала, калі толькі ён не збіраецца жыць па-за ЗША ці ў ЗША, але ў вёсцы.
Іншы каментатар адзначыў, што калі не марнаваць грошы, то забяспечваць сябе разам з сям'ёй можна на $300 тысяч у год. То-бок, калі не нарошчваць суму, яе будзе дастаткова на 30‑50 гадоў.
Некаторыя сталі троліць аўтара. Адзін супрацоўнік Apple напісаў, што ў яго ўзросце меў ужо $30 мільёнаў, так што той моцна адстае. Хтосьці з Microsoft адзначыў, што ў ягонай кампаніі можна зарабляць ад $500 тысяч да $1 мільёна ў год, літаральна нічога не робячы. Калега з PayPal адкрыта назваў аўтара бедняком і лузерам, таму што ў нармальнага чалавека да 25 гадоў павінна быць на рахунку $25 мільёнаў, так што няма чаго тут выхваляцца.
Хтосьці з Amazon пажартаваў (ці не), што сам сядзеў бы з гэтымі грашыма дома гадоў да 40, а потым скончыў бы жыццё самагубствам. Яшчэ адзін карыстальнік прапанаваў звольніцца і запусціць канал на YouTube пра тое, як пайсці на пенсію да 30.
«Уначы сусед з нажом выбівае дзверы ў ванны пакой — звычайная сварка з жонкай». Айцішнік з EPAM пажыў у Азіі
«Першыя гады чатыры было класна». Сеньёр, ужо грамадзянін Аўстраліі, расказаў, як там з айцішкай і павукамі
«Зразумела, што такое быць дарослай». Праграмістка пераехала ў Лос-Анджэлес з EPAM і сышла ў Disney
24‑гадовы мінчук за тры гады здолеў сабраць 105 тысяч рублёў
Каментары