Літовец спрабаваў увезці ў Беларусь золата і манет на 260 тысяч рублёў
Грамадзянін Літвы спрабаваў схаваць ад мытнага кантролю 15 залатых зліткаў і манет агульным коштам каля 260 тысяч рублёў, паведамляе Дзяржаўны мытны камітэт.
Мужчына прыехаў у пункт пропуску «Каменны Лог» на аўтамабілі Nissan і накіраваўся ў чырвоны калідор, каб аформіць дэкларацыю на часовы ўвоз машыны і аб'явіць пра 5 юбілейных манет і 13 залатых зліткаў і манет.
Аднак падчас праверкі багажу мытнікі знайшлі металічны футляр, у якім былі схаваныя яшчэ 7 зліткаў і 8 манет з золата, пра якія мужчына не паведаміў.
Схаваныя каштоўнасці канфіскуюць, а сам літовец можа атрымаць штраф да 30 базавых велічынь. Матэрыялы справы ўжо перададзеныя ў суд.
Каментары
У той час як "ваяўнічыя" летувісы ваююць за танныя цыгарэты і паліва і увогуле ня супраць з'ездзіць ня у адкрытую для іх вольную Еўропу, а ў такую "недружественную" для іх краіну, каб наварыць пару тысяч ці разлічыцца са сваімі партнёрамі - гаманьцамі таго ж рэжыма, ну дык гэта так яшчэ, дробязі.