Навінка паступіла ў крамы з 26 лістапада.
Сталічны халадзільны камбінат №2 выпусціў у продаж лёгкае марожанае ў вафельным кубачку са смакам ваніліну. Пра старт продажаў вытворцы паведамілі ў інстаграме.
У аснове дэсерту ляжыць сарбіт — натуральны цукразамяняльнік расліннага паходжання, які здабываюць з рабіны, чарнасліву і іншых крухмалістых фруктаў.
Дэсерт падыходзіць для рацыёну дыябетыкаў, тых, хто прытрымліваецца нізкавугляводнай дыеты Кета і бялковага рэжыму Дзюканa, а таксама прыхільнікаў здаровага харчавання.
Навінка будзе паступаць у халадзільнікі крам паступова. Зараз марожанае можна купіць у рознічных крамах «Мінскага халадзільнага камбіната» і ў двух пунктах гандлёвай сеткі «Суседзі» ў Мінску па адрасах Даўгінаўскі тракт, 178 і вуліца Налібоцкая, 1.
Цяпер чытаюць
Бухі Ігар з Віцебска ўжо не ведае, як адбіцца ад падарункаў ад розных брэндаў. І ўжо звальняецца з завода21
Каментары