Перад прыездам Уіткафа Пуціну далажылі пра захоп Пакроўска і Ваўчанска. Пацвярджэнняў гэтаму няма
Прэс-сакратар Крамля Дзмітрый Пяскоў заявіў, што падчас візіту Уладзіміра Пуціна 1 снежня на адзін з камандных пунктаў расійскай арміі яму далажылі пра «вызваленне» расійскімі войскамі Пакроўска ў Данецкай вобласці і Ваўчанска ў Харкаўскай. Аднак гэтыя заявы не пацвярджаюцца незалежнымі OSINT-даследчыкамі: на картах бачна, што баявыя дзеянні працягваюцца, і поўны кантроль Расіі над гарадамі адсутнічае.
Начальнік расійскага Генштаба Валерый Герасімаў нібыта паведаміў Пуціну пра «поспехі наступлення» і пра тое, што ў раёне Пакроўска расійскія войскі акружаюць украінскія падраздзяленні.
Таксама заяўлялася пра «выхад да ракі Гайчур» у Запарожскай вобласці і «пачатак аперацыі па вызваленні Гуляйполя». Пры гэтым Крэмль не даў ніводнага відэакадра сустрэчы з Пуціным, што звычайна робіцца адразу.
Паводле карт DeepState, у Пакроўску Расія кантралюе каля паловы горада, астатняе — «шэрая зона».
У Ваўчанску большасць тэрыторыі кантралююць УСУ.
Даных пра поўны кантроль Расіі над гэтымі тэрыторыямі няма ні ў амерыканскага Інстытута вывучэння вайны (ISW), ні ў фінскага OSINT-праекта BlackBirdGroup.
Заява Крэмля прагучала напярэдадні візіту ў Маскву перамоўшчыкаў ад Белага дома — спецпасланніка Дональда Трампа Стыва Уіткофа і зяця прэзідэнта ЗША Джарэда Кушнэра. Яны павінны прадставіць Пуціну чарговую версію мірнага плана. Пытанне тэрытарыяльных уступак Украіны па-ранейшаму застаецца спрэчным, і магчымыя поспехі на фронце маглі б стаць аргументам для Масквы на перамовах.
22 лістапада той жа Герасімаў гэтак жа сама ўпэўнена дакладваў Пуціну пра захоп горада Купянска ў Харкаўскай вобласці, чаму з таго часу не было ніякіх пацвярджэнняў. Больш таго — сёння прэзідэнт Украіны Уладзімір Зяленскі заявіў, што на гэты момант гэты горад ад расійскіх вайскоўцаў амаль зачышчаны.
Зяленскі заявіў, што УСУ амаль цалкам зачысцілі Купянск ад расіян
Пуціну далажылі пра ўзяцце Купянска. Вось чаму гэта не так
Пуцін атрымаў план Трампа, але настроены працягваць ваяваць
Пагроза навісла над Гуляйполем. Ці ўдасца спыніць расійскае наступленне?
Абарону Пакроўска ламае расійскае падраздзяленне «Рубікон»
Прыхаванае пранікненне: якія змены ў тактыцы расійскай арміі паказаў штурм Пакроўска?
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ4
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары