Аляксандар Вайтовіч заклікаў старшыню ўраду з 21 верасьня часова прыняць абавязкі кіраўніка дзяржавы, паколькі з гэтага дня прэзыдэнцкія паўнамоцтвы Аляксандра Лукашэнкі заканчваюцца, а на трэці тэрмін ён быў абраны незаконна, мяркуе акадэмік Вайтовіч.
Былы старшыня Савету Рэспублікі Нацыянальнага сходу Беларусі Аляксандар Вайтовіч накіраваў адкрыты ліст прэм’ер-міністру Сяргею Сідорскаму.
Аляксандар Вайтовіч заклікаў старшыню ўраду з 21 верасьня часова прыняць абавязкі кіраўніка дзяржавы, паколькі з гэтага дня прэзыдэнцкія паўнамоцтвы Аляксандра Лукашэнкі заканчваюцца, а на трэці тэрмін ён быў абраны незаконна, мяркуе акадэмік Вайтовіч.
(Вайтовіч: ) «Прысягу на трэці тэрмін Аляксандар Лукашэнка прыняў незаконна. Гэтая прысяга супярэчыць 8-му артыкулу закону «Аб прэзыдэнту Рэспублікі Беларусь», у якім сказана, што адна асоба можа быць прэзыдэнтам ня больш як два тэрміны. Ягоны трэці тэрмін незаконны, другі заканчваецца 20 верасьня, і таму з 21 верасьня ў нас няма прэзыдэнта. І я зьвяртаюся да Сяргея Сідорскага з напамінам, што ён абавязаны ў адпаведнасьці з законам і Канстытуцыяй ўзяць абавязкі кіраўніка дзяржавы на сябе».
Паводле Аляксандра Вайтовіча, Сяргей Сідорскі мусіць выконваць гэтыя абавязкі да таго часу, пакуль ня будзе абраны новы прэзыдэнт краіны.
❏
Фота Юліі Дарашкевіч, Андрэя Лянкевіча
Каментары