Пра гібель 26 студзеня сямі чалавек у розных кутках Беларусі падчас пажараў паведаміла БелТА са спасылкай на МНС.
Першыя трагічныя звесткі пачалі паступаць яшчэ ноччу. Каля 4:40 26 студзеня ратавальнікам паведамілі пра пажар у жылым доме на вуліцы Быхаўскай у Гомелі. На месцы была знойдзена загінулая бабуля гаспадара дома, 1935 года нараджэння.
Прыкладна а шостай раніцы ўзгаранне адбылося ў кватэры на пятым паверсе пяціпавярховага дома на вуліцы Жэні Гуранковай у Пінску. У пажары загінуў гаспадар кватэры, 1953 года нараджэння.
Апоўдні пажар са смяротным вынікам здарыўся ў жылым доме ў вёсцы Стралкі Верхнядзвінскага раёна. Там быў знойдзены загінулы гаспадар дома, 1962 года нараджэння.
Усяго праз паўгадзіны пажарная статыстыка папоўнілася яшчэ адной трагедыяй — у вёсцы Раёўка Маладзечанскага раёна. У доме знайшлі загінулага сына гаспадыні, 1960 года нараджэння.
Бліжэй да дзявятай вечара паведамілі пра пажар у жылым доме ў аграгарадку Гожа Гродзенскага раёна, дзе загінулі муж і жонка — пенсіянеры 1956 і 1957 гадоў нараджэння.
Яшчэ адно надзвычайнае здарэнне адбылося каля 21:00 у Кобрыне на вуліцы Леніна. У двары двухкватэрнага жылога дома падчас пажару быў знойдзены загінулы мужчына, 1964 года нараджэння.
Па ўсіх фактах узгаранняў прычыны пажараў высвятляюцца.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары