Як паведаміў прэс‑сакратар Гомельскага абласнога ўпраўлення МНС Руслан Габрылёў, на 30‑гадовага мужчыну пры разгрузцы ўпала цокальная панэль масай 2,5 тоны. Рабочы ў гэты момант знаходзіўся ў кузаве аўтамабіля. Ад атрыманых траўм ён памёр на месцы.
Мужчына працаваў у камунальным даччыным будаўнічым унітарным прадпрыемстве «Добрушская перасоўная механізаваная калона № 95», якое займаецца будаўніцтвам аднакватэрных жылых дамоў сядзібнага тыпу ў вёсцы Кузьмінічы.
Паводле інфармацыі прэс‑сакратара, прычынай падзення панэлі стаў разрыў драцяных петляў. У крана, які належыць Добрушскай ПМК‑95, аказаліся няспраўнымі прыборы бяспекі. Апошняе абследаванне крана праводзілася ў красавіку 2004 года, а ў лютым 2008‑га яго эксплуатацыя была забаронена інспектарам Гомельскага абласнога ўпраўлення Дзяржпрамнагляду. Высветлілася таксама, што загінулы не меў пасведчання стропальшчыка.
Такім чынам, як мяркуюць, прычынамі няшчаснага выпадку стала парушэнне правілаў вытворчасці работ кранамі, эксплуатацыя забароненага абсталявання і допуск да працы неатэставанага персаналу.
Абставіны няшчаснага выпадку расследуе Добрушская раённая пракуратура.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў1
Каментары