Выбіраць можна толькі польскую ці ангельскую. Беларускай пакуль няма.
На двух маршрутах віленскіх тралейбусаў з панядзелку можна вывучаць дзьве замежныя мовы - польскую і ангельскую.
Мэтай праекта «Вучоба ў дарозе», што рэалізуе літоўскі цэнтар вывучэньня замежных моваў Soros International House (SIH) пры падтрымцы эўрапейскай праграмы Socrates, ёсьць тлумачэньне шырокай грамадзкасьці значнасьці вывучэньня замежных моваў.
Як кажа дырэктарка SIH Дайва Малінаўскінэ, выбар моваў - польскай і ангельскай - ня быў выпадковы. «Ангельскую мы абралі, улічваючы яе значнасьць у сучасным сьвеце, а польскую - бо Польшча ўсё ж нашая суседка і да таго ж польская нацыянальная меншасьць - самая вялікая ў Вільні»- тлумачыць Малінаўскінэ. Рэалізацыя праекта «Вучоба ў дарозе» будзе доўжыцца год. За гэты час жыхары і госьці Вільні змогуць вывучыць асноўныя выразы польскай і ангельскай моваў.
З апошняга перапісу насельніцтва ў 2001 г. вынікае, што 26 адсоткаў жыхароў літоўскай сталіцы нібыта валодаюць польскай мовай. Палякі складаюць 6,7 адсоткаў жыхароў Вільні.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары