"Я прыляцеў у Нью-Ёрк як прэм'ер-міністар, а зьяжджаю як беспрацоўны", - заявіў ён на Генасамблеі ААН.
Зрынуты з пасады спраўнік прэм’ер-міністра Тайлянду Таксін Чынават у сераду заявіў, што не чакаў вайсковага перавароту.
«Я не чакаў, што такое адбудзецца. Я прыляцеў сюды (у Нью-Ёрк на Генэральную асамблею ААН) як прэм’ер-міністар, а зьяжджаю як беспрацоўны», – заявіў Чынават журналістам, ад’яжджаючы зь Нью-Ёрку, паведамляе тайляндзкая газэта The Nation.
«Добра, што ніхто мне не дае работы. Я гатовы працаваць, але яны (арганізатары перавароту) яе мне не даюць, і гэта добра», – цытуе газэта словы зрынутага прэм’ера.
Чынават гэтаксама заявіў, што падтрымлівае повязі са сваякамі, і спадзяецца, што можа правесьці перамовы з вайскоўцамі, што зрабілі пераварот.
Зьвесткі пра месца, дзе зараз знаходзіцца Таксін Чынават, супярэчаць адныя другім. Паводле адных, ён ужо прыбыў у Лёндан, паводле другіх – толькі ото маніцца ляцець у брытанскую сталіцу зь Нью-Ёрку.
Вайсковы пераварот у Тайляндзе надарыўся ў аўторак. Арганізатары абвясьцілі, што спраўнік кіраўніка ўраду Таксін Чынават звольнены з пасады, а абавязкі прэм’ера часова ўсклалі на генэрала Сонці Буньераткліна. Генэрал Сонтхі — першы мусульманін, які замае такі высокі пост у арміі Тайлянду. Мусульмане складаюць меншасьць у гэтай краіне.
Мэта перавароту – захаваньне дэмакратыі і перадача ўлады цывільнаму ўраду з наступным скліканьнем выбараў», – кажуць у сваёй заяве, распаўсюджанай мясцовымі СМІ, арганізатары перавароту.
Вайскоўцы, якія назваліся Групай дзеля адміністрацыйных рэформаў, запэўнілі, што аддана служаць манарху. Апазыцыя вінаваціць Таксіна Чынавата ў тым, што на пасадзе кіраўніка ўраду той спрыяў абагачэньню сваіх сямейнікаў.
Увечары ў сераду генэрала Сонтхі Буньераткліна кароль Тайлянду прызначыў кіраўніком Нацыянальнай Рады па адміністрацыйнай рэформе.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі13
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4040
Каментары