Прэс‑сакратар МЗС: Пазіцыя Беларусі па Мытным саюзе застаецца нязменнай
Пазіцыя Беларусі па пытанні падпісання Мытнага кодэкса Мытнага саюза не змянілася. Пра гэта заявіў 17 чэрвеня на брыфінгу ў Мінску прэс‑сакратар беларускага МЗС Андрэй Савіных.
«Мы працягваем працаваць на ўсіх узроўнях і нацэлены на пошук узаемапрымальных рашэнняў», — падкрэсліў Савіных.
Ён паведаміў, што 18 чэрвеня ў Санкт‑Пецярбургу пройдзе чарговае пасяджэнне Камісіі Мытнага саюза (МС) Беларусі, Казахстана і Расіі. Беларускую дэлегацыю на перамовах узначаліць віцэ‑прэм’ер Андрэй Кабякоў.
«Плануецца абмеркаванне шырокага кола пытанняў у сферы мытнага, тарыфнага, нетарыфнага і тэхнічнага рэгулявання, прымянення санітарных, ветэрынарных і фітасанітарных мер, а таксама прымянення спецыяльных ахоўных, антыдэмпінгавых і кампенсацыйных мер на адзінай мытнай тэрыторыі», — сказаў прэс‑сакратар.
Камісія МС, паводле яго слоў, таксама прааналізуе фарміраванне дагаворна‑прававой базы, якая рэгулюе парадак перамяшчэння фізічнымі асобамі тавараў для ўласнага карыстання. На пасяджэнні будуць абмяркоўвацца вынікі працы ў тэставым рэжыме сістэмы па залічэнні і размеркаванні ўвазных мытных пошлін. «Асаблівая ўвага будзе нададзена пераходнаму перыяду пры збіранні ўскосных падаткаў пры экспарце і імпарце тавараў», — падкрэсліў Савіных.
На пасяджэнні таксама будзе прадстаўлена інфармацыя аб выкананні Плана дзеянняў па фарміраванні Адзінай эканамічнай прасторы і парадку дня чарговага пасяджэння вышэйшага органа МС на ўзроўні кіраўнікоў дзяржаў.
Аб стварэнні Мытнага саюза Беларусі, Казахстана і Расіі было аб’яўлена ў лістападзе 2009 года на саміце ў Мінску. 1 ліпеня павінен набыць моц адзіны Мытны кодэкс МС.
Між тым, 21 мая на сустрэчы з Санкт‑Пецярбургу кіраўнікі ўрадаў трох краін не змаглі ўрэгуляваць рознагалоссі па прынцыпах фарміравання МС.
У выніку 28 мая прэм’ер‑міністры Расіі і Казахстана дамовіліся аб увядзенні Мытнага кодэкса МС на двухбаковай аснове. Беларускі прэм’ер на сустрэчу не прыбыў.
Мінск звязвае свой удзел у Мытным саюзе з адменай абмежаванняў на пастаўку расійскай нафты і нафтапрадуктаў у Беларусь. Пры гэтым беларускі бок адзначае, што ў дачыненні да Казахстана такія меры не ўводзіліся.
Цяпер чытаюць
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію7
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне7474
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне74
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1818
Каментары