Каля 60% месячнай нормы ападкаў выпала днём 21 чэрвеня ў паўднёва‑ўсходніх раёнах Брэсцкай вобласці.
Паводле звестак meteoinfo.by, у Пінску зарэгістравана 45 мм ападкаў (61%), а ў раёне метэастанцыі «Палеская» — 46 мм (59%), або 45—46 літраў вады на квадратны метр тэрыторыі. 22 мм ападкаў адзначана ў Стоўбцах (29%).
Розніца максімальных дзённых тэмператур перавысіла 16 градусаў (ад 14,1 у Гродне да 30,5 у Гомелі). Напярэдадні днём яна была крыху большая за 10 градусаў (18,8 у Гродне, 28,9 у Жлобіне). У Мінску з‑за воблачнасці і дажджу паветра прагрэлася менш, чым меркавалася — да 22,6 градуса пры прагнозе 25—27.
Прычынай тэмпературных кантрастаў і моцных ападкаў стаў маларухомы атмасферны фронт, які ў хуткім часе будзе вызначаць надвор’е ў краіне. Такая ж карціна назіралася ў пачатку мая.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары