Дзяржава не будзе адмаўляцца ад прынцыпаў сацыяльна арыентаванай эканомікі. Пра гэта заявіў Аляксандр Лукашэнка сёння на нарадзе аб перспектывах развіцця ААТ «Гродна Азот».
«Скажу проста: сутнасць нашай палітыкі заключаецца ў тым, што ўсе гэтыя аміяк, карбамід, гайкі, каровы, быкі — усё гэта нішто перад чалавекам. Усё павінна быць пастаўлена на службу чалавеку, — сказаў ён. — Так, вытворчасць, але толькі ў імя адной мэты — чалавека».
Аляксандр Лукашэнка падкрэсліў, што нельга любой цаной уздымаць эфектыўнасць вытворчасці. Ён упэўнены ў тым, што няма нічога дрэннага, што ў Беларусі існуюць пэўныя сацыяльныя нагрузкі на прадпрыемствы. «Кожны чалавек акрамя заплаты павінен мець магчымасць ездзіць у санаторыі, але самае галоўнае — гэта дзеці, каб працаўнікі гэтага калектыву сваё дзіця мелі магчымасць павесці ў дзіцячы сад, у школу адправіць і каб прадпрыемства за гэта несла адказнасць. Гэта вышэйшая мэта любога чалавека, і ніякія рыначныя адносіны гэтага не заменяць».
Цяпер чытаюць
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3434
Каментары