«Нястрыманыя» — настальгічнае тэстастэронавае кіно з залімітна-баявым падборам актораў. Сільвестр Сталонэ, Мікі Рурк, Джэйсан Стэтхэм, Джэт Лі, Дольф Лундгрэн, Арнольд Шварцнэгер, Брус Уіліс.
ЗША, 2010, каляровы, 103 хв.
Рэжысёр: Сільвестр Сталонэ
Ролі выконваюць: Сільвестр Сталонэ, Джэйсан Стэтхэм, Джэт Лі, Дольф Лундгрэн, Эрык Робертс, Мікі Рурк, Рэндзі Куцюр, Брус Уіліс, Арнольд Шварцнэгер, Стыў Остын
Жанр: Баявік
Адзнака: 6 (з 10)
Кампанія наёмнікаў на чале з Барні Росам змагаецца з кепскімі хлопцамі па ўсім свеце. Перастраляць самалійскіх піратаў, вызваліць закладнікаў — гэта да Барні Роса. Але аднойчы героям кулака і нажа прапануюць правесці прафілактычныя гутаркі з адным зацятым дыктатарам. Сітуацыя ўскладняецца, бо ў дыктатара з’яўляецца перабежчык з каманды Барні. Бойка пачынаецца.
«Нястрыманыя» — настальгічнае тэстастэронавае кіно з залімітна-баявым падборам актораў. Галоўны «Рэмба» 80-ых — Сільвестр Сталонэ (ён і за рэжысёрскім пультам). Алімпійскі ўдзельнік — Джэйсан Стэтхэм. Мікі Рурк — стары ваяка з татуіроўкамі і валасамі лапшой. І губернатар-кібарг Арнольд Шварцнэгер — у якога свае хітрыя планы.
У эпоху кампутарных стралялак старая каманда вярнулася на экран, каб жыўцом, без дублёраў, паказаць, як трэба караць нягоднікаў — і аднаўляць справядлівасць. Нягледзячы на век актораў — атрымалася пераканаўча і энэргічна.
Дадатковы шарм стужкі — сінефільска-сяброўскія жарты (звярніце ўвагу на Шварцнэгера ў храме). Ну, і кароннае — хто каго адлупцуе?
Байцы старой школы бяруць у рукі зброю. Падрыхтуйцеся…
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»7
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары