У апошні дзень збору подпісаў пра сваё рашэнне зняцца з выбараў заявіў вылучэнец ад Беларускай партыі «Зялёныя».
У апошні дзень збору подпісаў пра сваё рашэнне зняцца з выбараў заявіў вылучэнец ад Беларускай партыі «Зялёныя» Юры Глушакоў.
«Прычына простая — не змаглі назбіраць неабходнай колькасці подпісаў», — сказаў палітык «НН».
Колькі агулам атрымалася сабраць? «Зараз не істотна. Не хапіла подпісаў. Здаваць не будзем іх у выбаркамы, хоць яны і маюцца. Нашто абцяжарваць людзей лішняй працай?».
Ці падтрымае Глушакоў некага з кандыдатаў, што яшчэ засталіся? «Так атрымалася, што я быў адзіным левым сацыяльным палітыкам на гэтых выбарах. Так не павінна быць, бо вядома хто потым будзе збіраць наш электарат. Ёсць яшчэ сацыял‑дэмакрат Мікола Статкевіч, якога я глыбока паважаю. Будзем размаўляць з ім, з іншымі кандыдатамі.
Для нас істотна некалькі момантаў — адсутнасць у Беларусі АЭС, ператварэнне прэзідэнцкай рэспублікі ў парламенцкую, скасаванне кантрактнай сістэмы, увядзенне сацыяльных льгот. Таксама мы лічым неабходным увядзення мараторыя на прыватызацыю буйных прадпрыемстваў,а таксама, каб працоўныя былі гаспадарамі на прадпрыемствах, то бок прымалі ўдзел у кіраванне і размеркаванні прыбыткаў», — лічыць Юры Глушакоў.
Цяпер кандыдатаў засталося трынаццаць.
Каментары