Juryj Hłušakoŭ: Nie chapiła podpisaŭ
U apošni dzień zboru podpisaŭ pra svajo rašeńnie źniacca z vybaraŭ zajaviŭ vyłučeniec ad Biełaruskaj partyi «Zialonyja».
U apošni dzień zboru podpisaŭ pra svajo rašeńnie źniacca z vybaraŭ zajaviŭ vyłučeniec ad Biełaruskaj partyi «Zialonyja» Jury Hłušakoŭ.
«Pryčyna prostaja — nie zmahli naźbirać nieabchodnaj kolkaści podpisaŭ», — skazaŭ palityk «NN».
Kolki ahułam atrymałasia sabrać? «Zaraz nie istotna. Nie chapiła podpisaŭ. Zdavać nie budziem ich u vybarkamy, choć jany i majucca. Našto abciažarvać ludziej lišniaj pracaj?».
Ci padtrymaje Hłušakoŭ niekaha z kandydataŭ, što jašče zastalisia? «Tak atrymałasia, što ja byŭ adzinym levym sacyjalnym palitykam na hetych vybarach. Tak nie pavinna być, bo viadoma chto potym budzie źbirać naš elektarat. Jość jašče sacyjał‑demakrat Mikoła Statkievič, jakoha ja hłyboka pavažaju. Budziem razmaŭlać ź im, ź inšymi kandydatami.
Dla nas istotna niekalki momantaŭ — adsutnaść u Biełarusi AES, pieratvareńnie prezidenckaj respubliki ŭ parłamienckuju, skasavańnie kantraktnaj sistemy, uviadzieńnie sacyjalnych lhot. Taksama my ličym nieabchodnym uviadzieńnia maratoryja na pryvatyzacyju bujnych pradpryjemstvaŭ,a taksama, kab pracoŭnyja byli haspadarami na pradpryjemstvach, to bok prymali ŭdzieł u kiravańnie i raźmierkavańni prybytkaŭ», — ličyć Jury Hłušakoŭ.
Ciapier kandydataŭ zastałosia trynaccać.
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?22
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary