Абвінавачаньне ў «арганізацыі масавых беспарадкаў» выстаўлена таксама аднаму з каардынатараў грамадзянскай кампаніі «Гавары праўду!», доктару філялягічных навук Аляксандру Фядуту.
Пра гэта паведаміла жонка Фядуты Марына.
«Афіцыйнае абвінавачаньне мужу выставілі вечарам 29 сьнежня», — распавяла яна. Пра гэта мне паведамілі адвакаты. Больш ніякай інфармацыі ў мяне пакуль няма».
Раней паведамлялася, што Фядута мае пэўныя праблемы са здароўем — у яго цукровы дыябэт: «Мне вядома, што яго аглядаў турэмны доктар», — гаворыць Марына Фядута. -Усе неабходныя лекі для мужа я перадала, у мяне іх прынялі ў поўным аб’ёме».
Тым часам 40 прадстаўнікоў акадэмічнага сьвету Літвы зьвярнуліся з адкрытым лістом да прэзыдэнта гэтай краіны Далі Грыбаўскайце. Яны заклікалі яе ўжыць усе магчымыя захады для вызваленьня Аляксандра Фядуты.
Цяпер чытаюць
«Абмяркоўваем пытанне аб вызваленні яшчэ 1300 зняволеных». Трамп расказаў, пра што гаварыў з Лукашэнкам39
Каментары