Больш за ўсё пчолам спадабаўся арбітр — не выключана, што з-за яго ярка-жоўтай кашулі.
Больш за ўсё пчолам спадабаўся арбітр — не выключана, што з-за яго ярка-жоўтай кашулі.
Падчас футбольнага матчу паміж мясцовымі камандамі Vista Hermosa і Alianza FC на стадыён апусціўся велізарны рой ... дзікіх пчол. Насякомыя абляпілі гульцоў, гледачоў, лаўкі з трэнерамі і запаснымі, вароты і нават тэлекамеры. Служачыя стадыёна паспрабавалі разагнаць пчол ручнікамі, але беспаспяхова. Прыйшлося ў спешцы ўсім пакідаць стадыён. Больш за ўсё пчолам спадабаўся арбітр — не выключана, што з-за яго ярка-жоўтай кашулі. Матч прыйдзецца перайграць.
Напад пчол на футбалістаў — не такая ўжо рэдкая падзея. Паўтара года таму ў Зімбабвэ (Паўднёвая Афрыка) матч паміж мясцовымі камандамі ніжэйшай лігі прыйшлося перапыніць ужо ў сярэдзіне першага тайма таксама з-за налёту пчолаў. Гульня была перапыненая і адмененая, бо супрацоўнікі стадыёна не здолелі за гадзіну выгнаць пчол са стадыёна.
Але гісторыя з футбалістамі з Сальвадора — сапраўды ўнікальная з'ява. Восенню 2009 г. пчолы заляцелі на стадыён «Ацтэкі» у Мехіка, дзе праходзіў адборачны матч на ЧС-2010 у Паўднёвай Афрыцы паміж гаспадарамі, зборнай Мексікі, і зборнай ... Сальвадора! На другой хвіліне матчу рой пчол уладкаваўся ў варотах Сальвадора. Спатрэбілася 10 хвілін і два вогнетушыльніка, каб прагнаць няпрошаных насякомых.
Цяпер чытаюць
«Часцей за ўсё жучок ставяць недалёка ад разетак». Як сілавікі праслухоўваюць беларусаў па тэлефоне і ў кватэрах6
Каментары