Юры Базан: «Экстрэмісцкія заклікі можна знайсці паўсюль. Было б жаданне»
Галоўны рэдактар «Аўтарадыё» расказаў «Нашай Ніве», чаму сённяшні судовы працэс быў закрытым.
Галоўны рэдактар «Аўтарадыё» расказаў «Нашай Ніве», чаму сённяшні судовы працэс быў закрытым.
— Падчас сённяшняга працэсу справа не разглядалася, проста абодва бакі ў чарговы раз выказалі свае пазіцыі. Гэта было досыць карысна, бо аргументацыі ў нас цяпер больш, чым у мінулы раз.
Мы звярнуліся па дапамогу да прафесійнага філолага, каб высветліць, ці з’яўляецца фраза «лёс краіны вырашаецца не на кухні, а на плошчы» экстрэмісцкай.У прынцыпе, у перакладзе на літаратурную мову атрымліваецца «лёс краіны вырашаецца не кулуарна, а публічна». Гэтая фраза з праграмы кандыдата ў прэзідэнты Андрэя Саннікава друкавалася, напрыклад, у афіцыйнай прэсе. Пры жаданні, у якой заўгодна фразе можна знайсці экстрэмісцкі заклік — галоўнае, правільна шукаць. Другое, у чым нас абвінавачваюць — парушэнне творчай канцэпцыі.
Гаворка ідзе пра тыя «славутыя» 75% беларускай музыкі. Рэч у тым, што ні ў якіх прававых актах гэта не зафіксавана, і падлічыць усё ў працэнтах (асабліва з улікам рэкламы) фізічна немагчыма.Прычым лічбы іх маніторынгу вельмі блізкія да патрэбных, там замест 4% можа фігураваць 3,83%. Але знайсці парушэнні пры жаданні таксама вельмі проста.
Нагадаем, што на самым пачатку сённяшняга паседжання журналістам было заяўлена, што разгляд справы будзе закрытым, бо акурат сёння ў судзе павінны былі разглядаць матэрыялы канфідэнцыйнага характару.
12 студзеня 2011 года «Аўтарадыё» атрымала прадпісанне РУП «БелДІЭ» Мінсувязі РБ пра спыненне дзеяння дазволу на права выкарыстання радыёчастотнага спектру і забароне на эксплуатацыю радыёэлектронных сродкаў. Прадпісанне вынеслі на падставе рашэнне Рэспубліканскай камісіі па тэлебачанні і радыёвяшчанні 188/11 ад 11 студзеня 2011 г. за подпісам старшыні камісіі міністра інфармацыі Алега Праляскоўскага. Камісія палічыла, што ў эфіры «Аўтарадыё» распаўсюджвалася інфармацыя, у якой змяшчаліся публічныя заклікі да экстрэмісцкай дзейнасці.
Наступны працэс па справе аўтарадыё адбудзецца 24 лютага.
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
Цяпер чытаюць
Просты беларус здзівіў людзей, калі ў Германіі прызнаваўся ў любові да Лукашэнкі. Але аказалася, што ён няпросты18
Каментары