«Мы заклікаем усіх, хто браў удзел у акцыі пратэсту 19 снежня, засведчыць на судах пра мірны характар акцыі», — гаворыцца ў звароце.
Аргкамітэт па стварэнні партыі «Беларуская хрысціянская дэмакратыя» пачынае кампанію «Стань сведкам». Пра гэта заявіў сустаршыня аргкамітэта Віталь Рымашэўскі 15 лютага напрэс-канферэнцыі ў Мінску.
Кампанія праводзіцца ў сувязі з тым, што ў найбліжэйшыя дні могуць пачацца судовыя працэсы над абвінавачанымі па крымінальнай справе аб арганізацыі і ўдзеле ў масавых беспарадках 19 снежня 2010 года ў Мінску.
«Мы заклікаем усіх, хто браў удзел у акцыі пратэсту 19 снежня, далучыцца да кампаніі і засведчыць на судах пра мірны, негвалтоўны характар правядзення акцыі, пра дзеянні абвінавачаных лідараў, скіраваных на спыненне правакацый і гвалту», — гаворыцца ў адкрытым звароце БХД.
Паводле слоў Рымашэўскага, «адзіная зброя дыктатуры — гэта страх». «Мэта яе ў апошнія месяцы — запалохаць беларусаў, знішчыць незалежныя дэмакратычныя сілы. Наш адказ на гвалтоўныя дзеянні, на запалохванне павінен быць адзін — узмацненне салідарнасці, яднанне ў сумесным негвалтоўным супраціўленні, актыўныя дзеянні», — сказаў ён.
БХД заклікае палітычныя і грамадскія арганізацыі і ініцыятывы далучыцца да кампаніі для «абароны свабоды і незалежнасці нашай краіны, вызвалення зняволеных».
Цяпер чытаюць
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары