Сваё 30-годдзе Аляксандр Атрошчанкаў сустрэне ў КДБ.
Дар'я Корсак, жонка палітзняволенага, просіць усіх неабыякавых беларусаў павіншаваць Аляксандра Атрошчанкава паштоўкамі ды лістамі – 22 сакавіка яму спаўняецца 30 гадоў: «Яму будзе вельмі прыемна. Нават калі частку з іх ён не здолее атрымаць – начальства КДБ зразумее, што людзі неабыякава ставяцца да ягонага лёсу».
Паводле жанчыны, працаўнікі КДБ спрабуюць зрабіць так, каб палітзняволеныя, у тым ліку Аляксандр Атрошчанкаў, пачуваліся пакінутымі. «Я так зразумела, галоўнае, што яны робяць – распавядаюць і ўнушаюць, што яны нікому не цікавыя, нікому не патрэбныя, нікому няма да іх справы, ды спрабуюць выклікаць пачуццё вінаватасці», – распавяла карэспандэнтам «Белсату» Дар'я Корсак.
Жонка палітвязня кажа: Аляксандр Атрошчанкаў не ведаў, што на ягоны працэс спрабавала трапіць вялікая колькасць салідарных беларусаў.
«Я яго пераканала, што салідарнасць вялікая, нават калі ён не атрымоўвае ўсіх лістоў», – дадала Дар'я Корсак.
2 сакавіка суд Фрунзенскага раёну Менску прысудзіў Аляксандра Атрошчанкава, прэс-сакратара кандыдата на прэзідэнта на выбарах-2010 Андрэя Саннікава, да чатырох гадоў зняволення ў калоніі ўзмоцненага рэжыму нібыта за ўдзел у масавых закалотах 19 снежня.
-
У Беларусі забаранілі кітайскія тэлефоны. Норма ўтрымання свінцу ў іх была перавышана ў 330 разоў
-
Паглядзіце, які мілы сабака працуе на памежным пераходзе з Латвіяй ФОТАФАКТ
-
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3
Каментары