Яўген Алейнік адказаў на абвінавачванні ў плагіяце.
Яўген Алейнік адказаў на абвінавачванні ў плагіяце.
«Я ў жыцці не чуў песні гурту “Сектор Газа”, можаце мне паверыць», — заявіў «Нашай Ніве» аўтар песні для «Еўрабачання» Яўген Алейнік, якога адзін з слухачоў западозрыў ў плагіяце. Для параўнання ён злучыў у адно фрагменты прыпеваў дзвюх песень — «Я люблю Беларусь» і «Гуляй, мужик».
Яўген Алейнік падкрэсліў, што для абвінавачанняў у плагіяце трэба параўноўваць ноты і запэўніў, што мелодыя песні «Я люблю Беларусь» — арыгінальная.
«Гэта ўжо робіцца смешным. Ні ў адной краіне свету такога няма. Толькі ў нас такое: беларусы топяць сваіх жа беларускіх выканаўцаў. Пачынаючы з самага першага нашага выступлення на конкурсе і да песні Насці. Адно магу сказаць — няхай ім будзе сорамна»,— абураецца Яўген Алейнік. Па яго словах, усё пачалося з першай прэзентацыі песні ў Лінгвістычным універсітэце на закрытым паказе, калі потым «нейкія добрыя людзі» выклалі відэа песні са старой яшчэ назвай «Born in Bielorussia» ў Сеціва.
Ён кажа, што ўсе гэтыя гісторыі вакол ягонай песні для «Еўрабачання» яму моцна надакучылі: «Калі ў кагосьці яшчэ ёсць нейкія прэтэнзіі, гатовы разглядзець іх у судзе».
Нагадаем, што на сёлетнім «Еўрабачанні» ў Нямеччыне нашу краіну прадставіць студэнтка Мінскага лінгвістычнага ўніверсітэта Настасся Віннікава. Конкурсная песня некалькі разоў змяняла назву і тэкст — першапачатковая «Born in Bielorussia» выклікала хвалю негатыўных водгукаў і была змененая нейтральную «I love Belarus».
-
Паставіць намёт — ад 70 рублёў, шаўрма па 20, душ за 10: як селёта праходзіць Viva Braslav
-
«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі
-
Ходзіць легенда, што Озі Осбарн адкусіў галаву жывому кажану. А што ж адбылося насамрэч?
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары