На Саракі трэба было зламаць сорак дошчачак, парваць столькі ж шнуркоў або вяровак, каб потым улетку знайсці сорак птушыных гнёздаў.На Вербніцу асвячалі галінкі вярбы і з’ядалі з адной з іх усе пупышкі, каб паспрыяць цяжарнасці. На Вялікдзень, каб на працягу года быць здаровымі, мыліся ў той вадзе, у якой ляжала асвячонае яйка. На Юр’я выконвалі шмат рытуальных дзеянняў, якія павінны былі паспрыяць плоднасці жывёльнага статка і ўрадлівасці зямлі.
Існуе забарона садзіць бульбу ў той дзень тыдня, на які сёлета прыпала Дабравешчанне, хаця, здавалася б, усё павінна быць наадварот: дзень зараджэння новага жыцця павінен быў (на аснове прыныцыпу падабенства) максімальна спрыяць закладванню асноў багатага ўраджаю новага года.
Акрамя таго, у той дзень тыдня, на які прыпадала Дабравешчанне, нельга было ў першы раз выганяць жывёлу на пашу, забаранялася распачынаць араць і сеяць; вывозіць гной на поле; пачынаць будаўніцтва хаты і іншых пабудоў.
Цяпер чытаюць
Яны пайшлі ад нас у 2025 годзе. Згадваем беларусаў, якіх мы страцілі1
Каментары