Дзяржава будзе працягваць укладваць сродкі ў адраджэнне пацярпелых ад чарнобыльскай катастрофы раёнаў
Пра гэта заявіў журналістам Аляксандр Лукашэнка 26 красавіка падчас рабочага візіту ў Нароўлю (Гомельская вобласць), паведаміла яго
«Многія сёння крычаць: трэба ўцякаць, кідаць. Узнікае пытанне: а каму? Хто будзе гэты край адраджаць? — сказаў ён. — Хто гэта будзе рабіць, калі не мы?»
Лукашэнка падкрэсліў, што гэтыя землі будуць адроджаны, і дзяржава будзе накіроўваць на гэта рэсурсы. «Мы ўжо не пераадольваем чарнобыльскую катастрофу, мы ўжо тут не ратуем людзей — мы адраджаем гэты край», — сказаў ён.
Ён асабліва адзначыў, што дзяржава ўжо ўклала каласальныя грошы пры рэабілітацыі пацярпелых раёнаў, і гэта ацэнена людзьмі. «Украінцы і расіяне кажуць: нам бы ваш парадак і дысцыпліну і нам бы зрабілі тое, што ў Беларусі пасля чарнобыльскай трагедыі. Вось яна — ацэнка людзей», — падкрэсліў Лукашэнка.
Паводле яго слоў, у свой час уладу крытыкавалі за гэтую працу
«Час паказвае, што мы зрабілі правільна. І сёння адно з пытанняў, якое ставіцца: вельмі доўгая бюракратычная цяганіна па адраджэнні зямель. Але губернатары атрымаюць паўнамоцтвы па пераразмеркаванні грашовых сродкаў і ў плане тэрытарыяльнага асваення і адраджэння гэтых зямель», — адзначыў ён.
Паводле слоў Лукашэнкі, сёння ў гэты рэгіён не баіцца ісці і прыватны бізнес. Сёлета прыкладна 5% бюджэту Нароўля атрымае ад прыватніка. «Што, прыватніка загоніш кудысьці? Не. Прыватнік прыходзіць сюды сам, адкрывае вытворчасць», — сказаў ён.
Ён лічыць, што «адносна чыстыя» ўчасткі адселенай зоны могуць быць адкрыты для кароткачасовага наведвання турыстамі. «Людзі хочуць сюды прыехаць. Я сам з вялікай цікавасцю глядзеў на гэтыя вёскі, якія яны былі, якія яны цяпер. Калі людзі хочуць ведаць, чаму мы ім перашкаджаем? Яны ж не едуць туды жыць і працаваць», — заўважыў Лукашэнка.
Цяпер чытаюць
У 55 гадоў памёр стваральнік брэнду Serge Сяргей Атрошчанка9
Каментары