Ад чатырох да васьмі гадоў калоніі ўзмоцненага рэжыму.
Сёння ў судзе Заводскага раёна Мінска былі вынесеныя прысуды актывістам анархісцкага руху
Іх вінавацілі ў здзяйсненні шэрагу палітычных акцый, у прыватнасці, у нападзе на пасольства Расіі ў Мінску ў жніўні 2010 года.
Працэс над Максімам Веткіным, Яўгенам Сілівончыкам, Ігарам Аліневічам, Мікалаем Дзядком і Аляксандрам Францкевічам пачаўся 18 мая.
Ігар Аліневіч асуджаны на 8 гадоў калоніі ўзмоцненага рэжыму з канфіскацыяй аўтамабіля. Мікалай Дзядок — на чатыры гады і шэсць месяцаў калоніі ўзмоцненага рэжыму, Аляксандр Францкевіч — на 3 гады калоніі ўзмоцненага рэжыму, Максім Веткін будзе пакараны чатырма гадамі абмежавання волі з накіраваннем ва ўстанову адкрытага тыпу (хімія), Яўген Сілівончык — 1,5 гадамі абмежавання волі з накіраваннем ва ўстанову адкрытага тыпу.
Дзядок, Аліневіч і Францкевіч не прызналі сваёй віны. Сілівончык і Веткін заявілі аб сваім раскаянні.
Таксама з усіх іх будзе спагнана 100 млн рублёў пакрыцця матэрыяльнай шкоды (рознымі долямі).
Цяпер чытаюць
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары