Звольнены начальнік Мінскага метрапалітэна — за незамкнёныя дзверы ў метро
Гэта вынік пранікнення ў метро трох п'яных вісусаў, якія выставілі відэа сваіх прыгод у Ю-Тубе.
Загадам генеральнага дырэктара дзяржаўнага прадпрыемства «Мінсктранс» звольнены начальнік Мінскага метрапалітэна Мікалай Андрэеў.
У ноч на 29 мая на станцыю «Маскоўская» першай лініі праз незачыненыя дзверы зайшлі трое маладых людзей. Маладыя людзі знялі на відэа вестыбюль і перон станцыі, гадзіннік, на якім указаны час — 3.49. Ні міліцыі, ні работнікаў метрапалітэна нідзе не назіралася. Відэа было размешчана ў інтэрнэце (яго, а таксама інтэрв’ю з аўтарам Антонам Піевым можна паглядзець у
31 мая на нарадзе аб ходзе расследавання выбуху на станцыі «Кастрычніцкая» 11 красавіка Аляксандр Лукашэнка заявіў: «Адзін нейкі Антон з хлопцамі праніклі ноччу ў метрапалітэн і здымалі гэта ўсё на відэа, выклалі гэта ў інтэрнэт: глядзіце — вось як працуе наша міліцыя і ўсе іншыя на чале з Мальцавым, як яны забяспечваюць выкананне даручэнняў прэзідэнта. Калі гэтыя факты пацвердзяцца, заўтра без пагон застаняцеся».
Мікалай Андрэеў нарадзіўся 19 снежня 1950 года ў Мінску. Адукацыя вышэйшая. У 1977 годзе скончыў Беларускі інстытут інжынераў чыгуначнага транспарту па спецыяльнасці. З 1994 па 1999 гады — першы намеснік начальніка — галоўны інжынер Мінскага метрапалітэна. З 17 чэрвеня 1999 года — начальнік метрапалітэна.
Трэба адзначыць, што апошнім часам кантроль пасажыраў на ўваходзе ў метро аслабеў, аднак з 31 мая пасажыраў зноў сталі пільна правяраць.
Цяпер чытаюць
Бабарыка тры хвіліны адказваў на пытанне, чый Крым. Так і не адказаў89
Каментары