Журналістку «Вечернего Гродно», якую затрымалі невядомыя жанчыны, шпіталізавалі
Пра гэта паведамляе сайт газеты. Як раней пісала «ВГ», на Паліну Жураўлёву і яе сяброўку накінуліся асобы жаночага полу, калі тыя ішлі па вуліцы Савецкай каля ўнівермага. Пры нападзе Паліна ўпала і ўдарылася спінай. У райаддзеле ёй стала дрэнна і яе забрала «хуткая».
Нагадаем, што 6 ліпеня ў Гродне, як і ў дзясятку іншых беларускіх гарадоў прайшла чарговая серадовая акцыя «маўчання». У Гродне на Савецкай вуліцы асобы ў цывільным зладзілі жорсткі хапун, у часе якога жанчын цягнулі за валасы ў аўтобусы.
Усяго ў Беларусі, па звестках праваабронцаў 6 ліпеня было затрымана каля 380 чалавек.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна7
Каментары