Муж чыноўніцы, што «здала» Бяляцкага, мае інтэрас у Беларусі. Сама яна падала ў адстаўку
Муж чыноўніцы Міністэрства юстыцыі Літвы Аўшры Бярнацене мае адвакацкую кантору ў Беларусі.
Муж чыноўніцы Міністэрства юстыцыі Літвы Аўшры Бярнацене, якая прымала канчатковае рашэньне аб перадачы інфармацыі пра Алеся Бяляцкага, мае адвакацкую кантору ў Беларусі.
Паводле інфармацыі парталу delfi.lt, пра гэта было паведамлена ў выпуску навінаў літоўскага тэлеканалу TV3.
Паводле інфармацыі TV3, у сувязі з гэтым накіраваны зварот ва Ўрадавую камісію службовай этыкі, каб высьветліць, ці ў гэтым выпадку не былі зьмешаныя грамадзкія і прыватныя інтарэсы.
Дырэктар дэпартамэнту міжнароднага права Міністэрства юстыцыі Аўшра Бярнацене прыняла і падпісала канчатковае рашэньне пераслаць усе дадзеныя ў Менск.
Праваабаронца Алесь Бяляцкі некалькі тыдняў таму быў затрыманы ў Менску, яго падазраюць ва ўхоленьні ад сплаты падаткаў. Паводле беларускіх афіцыйных асобаў, кіраўнік праваабарончага цэнтру «Вясна» затрыманы на падставе атрыманай зь Міністэрства юстыцыі Літвы інфармацыі пра яго банкаўскія рахункі ў Літве і грашовыя паступленьні на іх.
Стала вядома, што Аўшра Бярнацене падала ў адстаўку са сваёй пасады, і міністр юстыцыі адстаўку прыняў.
-
Як Радзім Гарэцкі прамяняў кар'еру ў Маскве на Мінск і не пашкадаваў. Гісторыя жыцця 96-гадовага віцэ-прэзідэнта Акадэміі навук
-
Пазняк: Выпускаюць толькі прарасійскіх людзей, а не беларускіх патрыётаў
-
Лідар на Пірэнеях. З'явіўся «народны» рэйтынг устаноў, праз якія яшчэ можна атрымаць шэнгенскую візу
Каментары