Еўразійскі банк развіцця вітае крокі ўладаў Беларусі па павышэнні незалежнасці Нацыянальнага банка краіны. Пра гэта заявіў 31 кастрычніка журналістам у Алматы кіруючы дырэктар Еўразійскага банка развіцця (ЕАБР) па забеспячэнні дзейнасці Антыкрызіснага фонду Сяргей Шаталаў.
«Мы лічым правільнымі тыя захады, якія былі зроблены ў плане павышэння незалежнасці Нацбанка, перадачу ад Нацбанка неўласцівых яму відаў эканамічнай дзейнасці і актываў. Таму што ў любой краіне цэнтральны банк не павінен весці гаспадарчую дзейнасць», — заявіў ён.
Шаталаў дадаў, што ў Беларусі «шмат зроблена для ўмацавання незалежнасці Нацбанка». «Гэта дазволіць яму ажыццяўляць незалежную, эфектыўную, адказную
Ён таксама падкрэсліў, што ЕАБР лічыць «ключавым дасягненнем урада ўніфікацыю валютных курсаў, якая адбылася 20 кастрычніка».
У той жа час, паводле слоў Шаталава, неспакой ЕАБР перш за ўсё выклікае пашырэнне разрыву паміж намінальнымі працэнтнымі стаўкамі (як стаўкай рэфінансавання, так і стаўкамі авернайт) і прагназаваным узроўнем інфляцыі. «Гэта азначае, што здольнасць эканомікі выходзіць на ўстойлівае развіццё не павялічваецца», — падкрэсліў ён.
ЕАБР занепакоены і працягам значнага аб’ёму крэдытавання эканомікі. «Некаторыя каналы былі перакрыты, але па іншых каналах крэдытаванне працягваецца», — сказаў Шаталаў. Ён падкрэсліў, што гэтае пытанне будзе абмяркоўвацца перад выдзяленнем трэцяга траншу крэдыту.
Цяпер чытаюць
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1616
Каментары