Трагічны выпадак здарыўся ў Брэсцкай вобласці.
У штучным вадаёме Ляхавіцкага раёна 25 лістапада знайшлі труп 76-гадовай пенсіянеркі.
«Цела жанчыны недалёка ад чыгуначнага прыпыначнага пункта Шчара каля апоўдня знайшоў мясцовы жыхар», - распавёў следчы следчага аддзела пракуратуры Брэсцкай вобласці (па Ляхавіцкім раёне) Аляксей Шчарбакоў.
Прычыну смерці загінулай з вёскі Крыжыкі Баранавіцкага раёна вызначыць судова-медыцынская экспертыза, але ўстаноўлена, што пенсіянерка не стала ахвярай нападу.
«Паводле сваякоў, у жанчыны былі праблемы са зрокам і слыхам. Раніцай 24 лістапада яна паехала цягніком на рынак у Баранавічы. Магчыма, вяртаючыся дадому, яна выйшла не на сваім прыпынку, пасля чаго нейкім чынам трапіла ў вадаём», - дапоўніў Аляксей Шчарбакоў.
Пры сабе ў жанчыны знаходзіліся дакументы, грошы і набытыя прадукты.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна10
Каментары