Адпраўлены ў адстаўку першы намеснік міністра ўнутраных спраў Алег Пякарскі
Нібыта за здзяйсненне ўчынкаў, што дыскрэдытуюць званне супрацоўніка міліцыі.
Паводле звестак БелаПАН, у адпаведнасці з указам Лукашэнкі адпраўлены ў адстаўку першы намеснік міністра ўнутраных спраў — начальнік крымінальнай міліцыі МУС палкоўнік міліцыі Алег Пякарскі.
Высокі чын МУС звольнены ў запас Узброеных сіл нібыта за здзяйсненне ўчынкаў, што дыскрэдытуюць званне супрацоўніка міліцыі.
На пасаду першага намесніка кіраўніка МУС Пякарскі быў прызначаны 4 снежня 2009 года.Да гэтага ён узначальваў галоўнае ўпраўленне па барацьбе з арганізаванай злачыннасцю МУС. Яшчэ раней — упраўленне па наркакантролі і супрацьдзеянні гандлю людзьмі.
Чуткі пра будучую адстаўку Пякарскага з’явіліся ў сярэдзіне снежня мінулага года пасля затрымання намесніка кіраўніка МУС — начальніка міліцыі грамадскай бяспекі Яўгена Полудзеня. Але тады ішла гаворка пра тое, што Пякарскі сам напісаў прашэнне аб адстаўцы.
Глядзі яшчэ: Ні ў Следчым камітэце, ні ў КДБ няма інфармацыі аб распачынанні крымінальнай справы на Алега Пякарскага.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі19
Каментары