У суботу дацкая паліцыя ўдзельнічала ў баях з маладзёнамі, якія падпальвалі машыны ў знак пратэсту супраць высяленьня скўотэраў з моладзевага цэнтру Капэнгагену.
У суботу дацкая паліцыя ўдзельнічала ў баях з маладзёнамі, якія падпальвалі машыны ў знак пратэсту супраць высяленьня скўотэраў з моладзевага цэнтру Капэнгагену.
Дэманстранты запускалі кактэйлі Молатава і камяні ў паліцыю, якая прымяняла ў ранішніх бойках. Па меншай меры 200 актывістаў былі затрыманыя ў бойках і наступных паліцэйскіх рэйдах.
Паліцыя, якая ўжывала верталёты і вадамёты, каб выгнаць скўотэраў з цэнтру ў чацьвер, абыходзіла ў суботу дамы, каб знайсьці замежных актывістаў, якія, як кажуць, будуць выдаленыя. Прэса паведамляла пра блізу 50 замежнікаў, уключаючы немцаў.
У суботнюю ноч сілы паліцыі былі кінутыя на бойкі, была выкліканая дапамога зь іншых раёнаў, а таксама выкарыстоўваліся паліцэйскія грузавікі з Швэцыі, пра што паведаміў прадстаўнік паліцыі Flemming Steen Munch.
Новая дэманстрацыя, па словах актывістаў, плянавалася ў сталіцы на дзесятую гадзіну вечару. Пратэстантаў заклікалі да гэтага масавымі смс‑паведамленьнямі.
«Барацьба працягнецца доўгі час. Колькі ня будзе ў Капэнгагене Дома для моладзі, столькі будзе працягвацца бой за тое, каб яго атрымаць,» – сказаў Жан, прадстаўнік моладзевага цэнтра.
Канфлікт, зьвязаны з моладзевым цэнтрам, закіпаў з 2000 году, калі мясцовыя ўлады прадалі будынак рэлігійнай групоўцы. Актывісты, што належаць да левых партыяў, выкарыстоўвалі яго з 1982 году, але новыя ўладальнікі ў 2006 годзе здабылі судовы ордэр на выгнаньне скўотэраў.
Падчас пратэстаў дэманстранты падпальвалі аўтамабілі і барыкады, зьдзейсьнілі акт вандалізму ў школе, кідалі ў паліцыянтаў кактэйлі Молатава і камяні.
Па дадзеных паліцыі два афіцэры паліцыі і трое пратэстуючых атрымалі траўмы.
Актывісты пакляліся працягваць пратэсты, каб захапіць кантроль над старэнькім будынкам у Нарэбра – шматэтнічным працоўным раёне, які маладзёны ўзялі ў карыстаньне ад кіраўніцтва ў 1982, каб праводзіць канцэрты і іншыя імпрэзы.
Яны некалькі разоў заклікалі да палітычнага вырашэньня канфлікту, але атрымалі прапанову пераехаць у іншае мейсца.
Міністар юстыцыі Lene Espersen у пятніцу ўхваліла паводзіны паліцыі ў дачыненьні да дэманстрантаў, накіраваныя на як мага меншае траўмаваньне людзей, і заклікала бацькоў адгаварыць дзяцей ужываць гвалт.
У 1993 годзе дацкая паліцыя першы і адзіны раз пасьля Другой сусьветнай вайны ўдзельнічала ў падаўленьні дэманстрацыі пасьля рэфэрэндуму аб Маастрыцкай дамове аб Эўразьвязе.
Тады было зроблена агулам 113 выстралаў і паранена дзевяць чалавек, што выклікала грамадзкую незадаволенасьць і рэфармаваньне стратэгіі паліцыі.
Зараз у заможнай і мірнай паўночнай краіне зноў неспакойна. Але ў Даніі існуе традыцыя нонканфармізму і талерантнасьці ў дачыненьні да паўстанцаў супраць уладаў, і многія жыхары Капэнгагена кажуць, што яны падтрымліваюць маладзёнаў у іхнім жаданьні застацца ў старым будынку.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары