Песню BY YOU аўтары называюць «чарнобыльскай калыханкай».
Напярэдадні гадавіны Чарнобыльскай катастрофы гурт Naka прадстаўляе на партале Tuzin. FM свой новы кліп, зроблены на песню BY YOU.
Гэта добра вядомы трэк гурта, з ім музыкі дэбютавалі ў чарце на «Тузіне Гітоў» у 2008 годзе. На той час гэта была іх першая кампазіцыя на беларускай мове. Сама спявачка Наста Шпакоўская назвала тады гэтую песню «чарнобыльскай калыханкай».
Музыкі адразу хацелі зрабіць відэаролік на BY YOU і доўгі час шукалі рэжысёра, які б узяўся за складаны матэрыял. Урэшце такі чалавек знайшоўся. Рэжысёрам і адначасова мастаком відэа стала маладая дызайнерка Наста Шастак. Яна прапанавала гурту зрабіць ролік у камбінаванай анімацыйнай тэхніцы, якая спалучае моманты перакладкі, маляванай анімацыі і пяскаграфіі. Яе творчы падыход да справы ўпадабаўся музыкам.
Відэа, якое складаецца з сотняў малюнкаў, стваралася цягам года.Наста Шастак працавала ў творчым тандэме з сваім мужам, аніматарам Данілам Жугждам.
«Ахапіць такую колькасьць задачаў, замяняючы сабою цэлую творчую групу людзей, было няпроста, — дзеліцца ўражаннямі ад працы дызайнерка. — Тым не менш, я атрымала задавальненне ад кожнага этапу стварэння
«Пяскаграфія тут не даніна моднай тэхніцы, а належная форма для ўвасаблення ідэі, — падтрымлівае рэжысёра кліпа вакалістка гурта Наста Шпакоўская. —
BY YOU — гэта апошняя калыханка, якую маці спявае свайму дзіцяці. BY YOU — гэта ўсе мацярынскія пачуцці ў адрас родных — сына, брата, бацькі, блізкіх людей, якія сышлі ў небыццё.Гэта спроба штосьці змяніць, якая, на жаль, скончыцца нічым. Гэта надзея, што як пясок уцякае скрозь пальцы».
Цяпер чытаюць
Мінск сёння вечарам пагрузіўся ў цемру. Пасля загаду Лукашэнкі37
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары