Рэканструкцыя спарткомплексу на вул. Каліноўскага ў Мінску мае пачацца сёлета
Комплекс спартыўных збудаванняў у Зялёным Лузе, былыя «Працоўныя рэзервы», сумнавядомы буйным пажарам 1985 года.
Аб'ект аднавілі праз некалькі гадоў, і з таго часу ён абыходзіўся без капрамонту. За мінулыя гады трэніровачная база састарэла і зрабілася непрыдатнай, піша «Рэспубліканская будаўнічая газета». Таму распрацаваны праект рэканструкцыі. На думку праектавальнікаў, мадэрнізаваны комплекс стане выдатным падарункам для спартоўцаў і жыхароў найбліжэйшых мікрараёнаў.
- У нас гатовы эскізны праект аб'екта, - адзначае галоўны архітэктар праектаў УП «Мінскпраект» Алег Сяргееў. - Ён быў разгледжаны гарадскімі ўладамі, Камітэтам архітэктуры, а таксама ўзгоднены на архітэктурна-горадабудаўнічым савеце. Зараз можа весціся яго рэалізацыя, першы этап якой - рэканструкцыя галоўнага корпуса.
Перш за ўсё ў галоўным корпусе будзе заменены манеж, потым паставяць на рамонт басейн, які сёння знаходзіцца ў непрывабным выглядзе. Да будынка збіраюцца прыбудаваць асобны блок (на эскізах ён размешчаны справа). Тут адкрыюцца залы для кідання і гульнявых відаў спорту. Новабудоўля спраектаваная з хвалепадобным дахам, у адным стылі з іншымі будынкамі.
Палі для міні-футбола пераробяць пад адкрыты лёгкаатлетычны стадыён. Там цалкам заменяць пакрыццё і ўладкуюць трыбуны.
Да адкрытага стадыёна дададуць дадатковы блок трыбун на 3200 месцаў. Прадбачачы аўтамабільную праблему, архітэктары прадугледзелі ў складзе комплексу двухузроўневы паркінг.
На рамонт паставяць і гатэль «Алімпіец». Яго нумары будуць пераробленыя з тым разлікам, каб прыняць у 2014 годзе гасцей чэмпіянату свету па хакеі.
- Чакаем, што рэканструкцыя пачнецца ўжо ў 2012 годзе, - кажа Генадзь Тапуноў, намеснік дырэктара Рэспубліканскага цэнтра алімпійскай падрыхтоўкі па лёгкай атлетыцы. - Цалкам комплекс закрываць не збіраемся: рамонт будзе ісці ў некалькі этапаў. Пакуль, праўда, канчатковы праект нам не прадставілі, не вызначаныя і аб'ёмы фінансавання. Калі ўсё пойдзе па плане, абнавіць комплекс атрымаецца не раней за 2014 год. Спартоўцы атрымаюць сучасную базу, а астатнія наведнікі - новыя спартыўныя секцыі і дадатковы камфорт.
-
У Турцыі падчас футбольнага матча мяч трапіў у чайку. Але загінуць птушцы не далі
-
Спецпрадстаўнік Пуціна пра фінал Алімпіяды: Зборная ЗША перамагла свой будучы 52‑і штат. Адзін з апошніх хакейных матчаў паміж ЗША і Канадай
-
Леброн Джэймс першым у гісторыі НБА набраў 43 000 балаў у рэгулярных чэмпіянатах
Цяпер чытаюць
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі32
Каментары