Rekanstrukcyja spartkompleksu na vuł. Kalinoŭskaha ŭ Minsku maje pačacca sioleta
Kompleks spartyŭnych zbudavańniaŭ u Zialonym Łuzie, byłyja «Pracoŭnyja reziervy», sumnaviadomy bujnym pažaram 1985 hoda.
Abjekt adnavili praź niekalki hadoŭ, i z taho času jon abychodziŭsia biez kapramontu. Za minułyja hady trenirovačnaja baza sastareła i zrabiłasia nieprydatnaj, piša «Respublikanskaja budaŭničaja hazieta». Tamu raspracavany prajekt rekanstrukcyi. Na dumku prajektavalnikaŭ, madernizavany kompleks stanie vydatnym padarunkam dla spartoŭcaŭ i žycharoŭ najbližejšych mikrarajonaŭ.
- U nas hatovy eskizny prajekt abjekta, - adznačaje hałoŭny architektar prajektaŭ UP «Minskprajekt» Aleh Siarhiejeŭ. - Jon byŭ razhledžany haradskimi ŭładami, Kamitetam architektury, a taksama ŭzhodnieny na architekturna-horadabudaŭničym saviecie. Zaraz moža vieścisia jaho realizacyja, pieršy etap jakoj - rekanstrukcyja hałoŭnaha korpusa.
Pierš za ŭsio ŭ hałoŭnym korpusie budzie zamienieny maniež, potym pastaviać na ramont basiejn, jaki siońnia znachodzicca ŭ niepryvabnym vyhladzie. Da budynka źbirajucca prybudavać asobny błok (na eskizach jon raźmieščany sprava). Tut adkryjucca zały dla kidańnia i hulniavych vidaŭ sportu. Novabudoŭla sprajektavanaja z chvalepadobnym dacham, u adnym styli ź inšymi budynkami.
Pali dla mini-futboła pierarobiać pad adkryty lohkaatletyčny stadyjon. Tam całkam zamieniać pakryćcio i ŭładkujuć trybuny.
Da adkrytaha stadyjona dadaduć dadatkovy błok trybun na 3200 miescaŭ. Pradbačačy aŭtamabilnuju prablemu, architektary praduhledzieli ŭ składzie kompleksu dvuchuzroŭnievy parkinh.
Na ramont pastaviać i hatel «Alimpijec». Jaho numary buduć pieraroblenyja z tym raźlikam, kab pryniać u 2014 hodzie haściej čempijanatu śvietu pa chakiei.
- Čakajem, što rekanstrukcyja pačniecca ŭžo ŭ 2012 hodzie, - kaža Hienadź Tapunoŭ, namieśnik dyrektara Respublikanskaha centra alimpijskaj padrychtoŭki pa lohkaj atletycy. - Całkam kompleks zakryvać nie źbirajemsia: ramont budzie iści ŭ niekalki etapaŭ. Pakul, praŭda, kančatkovy prajekt nam nie pradstavili, nie vyznačanyja i abjomy finansavańnia. Kali ŭsio pojdzie pa płanie, abnavić kompleks atrymajecca nie raniej za 2014 hod. Spartoŭcy atrymajuć sučasnuju bazu, a astatnija naviedniki - novyja spartyŭnyja siekcyi i dadatkovy kamfort.
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?28
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary