«Чырвоная фурыя» самая дарагая каманда Еўра-2012, «Скуадра Адзура» — на 6-м месцы.
Сёння адбудзецца фінал Еўра-2012, у якім згуляюць зборныя Іспаніі ды Італіі. Матч пройдзе на кіеўскім стадыёне «Алімпійскі» і пачнецца ў 21:45 па мінскім часе.
Іспанская зборная па футболе — самая дарагая каманда Еўра-2012. Паводле ацэнак нямецкага спецыялізаванага партала Transfermarkt.de, іспанская каманда ацэньваецца ў €658 млн. У параўнанні з Чэмпіянатам свету, на якім іспанцы перамаглі, зборная падаражэла на €8 млн.
Зборная Італіі, чэмпіён Еўропы 1968 года, каштуе «ўсяго» €281 млн. Яна патаннела ў параўнанні з 2010 годам, калі ацэньвалася ў €319,5 млн.
Самым дарагім гульцом іспанскай зборнай лічыцца Андрэс Ін’еста, які каштуе €65 млн. Італьянец Даніэле дэ Росі каштуе ўдвая менш — €32 млн.
 
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
         
        
Каментары