Са старога моста часам падалі аўтамабілі.
Рух аўтатранспарту па рэканструяваным мосце праз Дняпро пад Шкловам адкрыецца 6 ліпеня 2012 года. Пра гэта паведаміў генеральны дырэктар РУП «Магілёўаўтадар» Анатоль Лапацін.
Пасля адкрыцця руху пачнуцца работы па разборцы часовага моста і аб’язной дарогі.
«Шклоў атрымае надзейную транспартную сувязь праз Дняпро з праезнай часткай шырынёй 11 м і 2 тратуары для руху пешаходаў па 1,5 м», —распавёў гендырэктар.
Рэканструкцыя моста, пабудаванага ў 1962 годзе, пачалася ў 2010 годзе. Яна была абумоўлена тым, што мост за гады эксплуатацыі назапасіў мноства дэфектаў, якія ўплываюць на даўгавечнасць працы. Акрамя таго, грузападымальнасць і габарыт моста (7 м) не адпавядалі нарматыўным патрабаванням і не забяспечвалі бяспеку руху аўтатранспарту
(былі выпадкі падзення аўтамабіляў з моста).
На рэалізацыю гэтага праекта выкарыстана больш за 80 мільярдаў рублёў.
Каментары