Прагаласаваць на выбарах можна будзе па пасведчанні кіроўцы
Адпаведная пастанова была прынятая 27 ліпеня на пасяджэнні Цэнтрвыбаркама.
Як адзначыла старшыня ЦВК Лідзія Ярмошына, у адпаведнасці з заканадаўствам, прагаласаваць на выбарах грамадзянін можа пры прад’яўленні пашпарта ці іншага дакумента, які сведчыць асобу. У сувязі з гэтым, паводле яе слоў, Цэнтрвыбаркам заўсёды напярэдадні выбараў прымае пералік дакументаў, пры прад’яўленні якіх таксама можна будзе прагаласаваць.
Ярмошына паведаміла, што ў пералік дакументаў уключаны ваенны білет для ваеннаслужачых, пасведчанне дзяржслужачага, якія фактычна пацвярджаюць беларускае грамадзянства, а таксама студэнцкі білет, пенсійнае ці вадзіцельскае пасведчанні. Па апошніх можна будзе прагаласаваць толькі ў выпадку ўключэння грамадзяніна ў спісы выбаршчыкаў.
«Як паказала практыка, досыць вялікая колькасць асоб у дзень выбараў не маюць пашпарты, бо яны знаходзяцца на замене, у пасольстве», — сказала кіраўнік ЦВК.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3838
Каментары