Амерыканскі суд прысяжных вырашыў, што карэйцы капіявалі дызайн айфонаў.
«Найважнейшы дзень для Apple», - так кіраўнік карпарацыі Цім Кук апісаў перамогу ў ключавым патэнтавым разглядзе з Samsung. Амерыканскі суд вынес рашэнне аб выплаце кампаніі Стыва Джобса кампенсацыі ў памеры $ 1,05 мільярда: прысяжныя прызналі паўднёвакарэйскую кампанію вінаватай у парушэнні шасці з сямі тэхналогій Apple.
Гэта не перамога амерыканцаў, лічаць карэйцы, а параза спажыўцоў.Apple жа, на думку прысяжных, не парушыла ніводзін з пяці патэнтаў паўднёвакарэйскага канцэрна, якія адстойваў Samsung у судзе.
Суд ацаніў шкоду Apple у меншую суму, чым патрабавала амерыканская карпарацыя ($ 2,5 мільярда). Але ўсё адно яна стала адным з найбуйнейшых кампенсацый шкоды ў галіне інтэлектуальнай уласнасці ў карпаратыўнай гісторыі.
У красавіку 2011 года Apple абвінаваціла паўднёвакарэйскі канцэрн у нанясенні шкоды праз таго, што вытворца мабільных прыладаў капіяваў дызайн смартфонаў iPhone і планшэтаў iPad. Пазней у адказ пазоў падала Samsung, заявіўшы, што амерыканская кампанія парушала яго патэнты ў галіне прагляду фатаграфій, прайгравання музыкі ў фонавым рэжыме, тэхналогіі стварэння ўкладання ў электронны ліст і высакахуткаснай перадачы даных. Пазней справы былі аб'яднаныя.
Суд прысяжных вызначыў, што Samsung наўмысна капіявалі тэхналогіі Apple ў галіне дызайну і функцыяналу прылад. Рашэнне не тычылася толькі дызайну планшэтных кампутараў.
-
Навукоўцы даказалі марнасць інтэрнэт-спрэчак: ніхто не мяняе думку, а вынікі не рэпрэзентуюць большую частку грамадства
-
ШІ бяссільны перад мастацтвам: вершаваныя запыты змусілі яго расказаць, як ствараць атамныя бомбы і ламаць сайты
-
У Зямлі ёсць хвост, які цягнецца як мінімум на 2 мільёны кіламетраў
Цяпер чытаюць
Начальнік міліцыі Брагіна страляў у сваю жонку. Яна цудам выжыла10
Каментары