Замежны дзярждоўг вырас з пачатку года на $212 млн і дасягнуў $12 млрд
Ён павялічыўся ў параўнанні з пачаткам 2012 года на 0,4%.
Дзяржаўны доўг Рэспублікі Беларусь на 1 жніўня 2012 года склаў 116,8 трлн. рублёў і павялічыўся ў параўнанні з пачаткам 2012 года на 436 млрд. рублёў, ці на 0,4%.
Пры гэтым, як паведамляе Міністэрства фінансаў, знешні дзяржаўны доўг па стане на 1 жніўня склаў 12 млрд. долараў ЗША пры ўстаноўленым ліміце 14,3 млрд. долараў, павялічыўшыся з пачатку года на 211,7 млн. долараў.
Павелічэнне знешняга дзяржаўнага доўгу ў 2012 годзе абумоўлена прыцягненнем крэдытаў Сусветнага банка, АКФ ЕўрАзЭС і банкаў Кітая.
Як адзначаюць у Мінфіне, нягледзячы на атрыманне ў чэрвені 2012 года трэцяга транша фінансавага крэдыту Антыкрызіснага фонду ЕўрАзЭС (440 млн. долараў), павелічэнне дзярждоўгу ў параўнанні з пачаткам года нязначнае. Гэта абумоўлена пагашэннем часткі асноўнага доўгу па крэдыце стэнд-бай МВФ у красавіку 2012 (100,3 млн. долараў) і ў ліпені 2012 года (97,8 млн. долараў), а таксама ўмацаваннем курсу нацыянальнай валюты ў параўнанні з 1 студзеня 2012 года.
Унутраны дзярждоўг з пачатку 2012 года паменшыўся на 130,4 млрд. рублёў, па стане на 1 жніўня 2012 года склаўшы 17,7 трлн. рублёў пры ўстаноўленым ліміце 34 трлн. рублёў.
Памяншэнне ўнутранага дзяржаўнага доўгу ў 2012 годзе абумоўлена пагашэннем дзяржаўных каштоўных папер і ўмацаваннем курсу нацыянальнай валюты.
«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада5
Каментары