Грыбаўскайце — дзецям: Нават калі з’едзеце адсюль, памятайце, што вы — літоўцы
У адрозненне ад выступу Лукашэнкі ў Мінску 1 верасня, ад якога дасталося і апазіцыі, і будучым студэнтам, выступ прэзідэнта Літвы Далі Грыбаўскайце перад школьнікамі быў куды больш мірны.
Даля Грыбаўскайце наведала школу ў Шырвінтах (Шырвінтай), павіншавала школьнікаў з пачаткам новага навучальнага года. Прэзідэнт Літвы заклікала школьнікаў памятаць пра свае карані — нават калі жыццёвы шлях закіне іх далёка ад Літвы.
«Усім хацела б пажадаць — і першакласнікам з такімі прыгожымі кветкамі, і будучым выпускнікам — каб усе самыя добрыя ўспаміны ўзялі з сабой. (…)
А самае галоўнае — каб вы былі і заставаліся карысныя для сваіх сем’яў, сваіх гарадкоў, абшчын і для ўсёй Радзімы Літвы. Таму жадаю, нават калі вы паедзеце, не забываць, адкуль вы родам.Тых, хто вас вучыў, хто даў веды і жыццё.
Хай застаецца наша Літва для вас найважнейшай пуцяводнай зоркай на ўсё жыццё», — сказала Грыбаўскайце.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары