Актывіста Хрысціянскай дэмакратыі паставілі на прафілактычны ўлік у КДБ
Каардынатара аргкамітэта па стварэнні партыі «Беларуская хрысціянская дэмакратыя» ў Магілёве Алега Аксёнава паставілі на прафілактычны ўлік у КДБ за «дзейнасць ад імя незарэгістраванай арганізацыі». Пра гэта яму паведамілі 22 кастрычніка.
«Як мне сказалі ў КДБ, гэта першы крок да крымінальнага артыкула», — паведаміў Алег Аксёнаў.
Спробы патлумачыць, што Алег Аксёнаў дзейнічае ад імя аргкамітэта, а не партыі, супрацоўнікі КДБ да ўвагі не бралі. «Загад аб маёй пастаноўцы на ўлік падпісалі яшчэ 11 кастрычніка, таму ніякія мае тлумачэнні ўжо значэння не мелі», — падкрэсліў актывіст аргкамітэта.
Алег Аксёнаў мае намер яго абскарджваць рашэнне КДБ.
Каментары