Няшчасны выпадак адбыўся ў вёсцы Ключ на Гарадоччыне.
Няшчасны выпадак, звязаны з незаконнай здабычай каляровага металу для яго наступнага продажу адбыўся ў Гародцкім раёне.
Як паведамілі ва УУС Віцебскага аблвыканкама, труп мужчыны 1973 года нараджэння супрацоўнікі Гарадоцкага РАУС выявілі 25 кастрычніка ў вёсцы Ключ пад апорай ЛЭП, якая ўпала.
Мяркуючы па ўсім, мужчына спрабаваў узлезці на слуп, каб зрэзаць драты, але быў траўмаваны токам, а пасля прыціснуты слупом, які паваліўся.Вядома, што ахвяра небяспечнага промыслу па звароце сваякоў суткі знаходзілася ў вышуку.
Паводле Кодэкса аб адміністрацыйных правапарушэннях незаконнае «паляванне» за каляровым металам караецца штрафам ад 10 да 30 базавых велічынь або адміністрацыйным арыштам.
Прадугледжана і пакаранне для перакупшчыкаў металу (незаконная прадпрымальніцкая дзейнасць). Максімальны штраф для апошніх, калі яны не з’яўляюцца індывідуальнымі прадпрымальнікамі або юрыдычным асобамі, складае 50 базавых велічынь.
Цяпер чытаюць
Чаму ўлады маўчаць пра прычыны разбурэння дома ў Гомелі і якія ёсць версіі2
Каментары