Кулінковіч: у ім толькі адна мацерная песня.
Аляксандр Кулінковіч і гурт “Нейра Дзюбель” запісалі новы альбом, з назвай “До*уя советчиков», разлічаны ў першую чаргу для інтэрнэта (рэліз на дысках таксама плануецца, але цяжка ўявіць альбом з такой назвай у якой-небудзь дыскарні).
Пасля мінулага альбома “Афтары правды”, здавалася, гурт не зможа другі раз падняцца на той самы ўзровень: “Нейра Дзюбель” паставілі самі сабе такую планку, што сумневы заставаліся. Аднак новая кружэлка іх развеяла.
Кулінковіч кажа, што гэта – самы прыстойны альбом у дыскаграфіі “Дзюбель”, дзе ёсць “толькі адна мацерная песня”.
Затое ёсць абсалютна драйвавы кавер на “Куба, любовь моя”: стары савецкі шлягер, як мінулым разам было з песняй “Дзеці галактыкі”, перакручаны на цяжкі панк-манер, з сола з “Чунга-чангі” і харавымі спевамі. Дарэчы, гучыць новы альбом весялей і лягчэй за папярэдні, але якасць тут не губляецца.
“Нейра Дзюбель” па ўзроўні агульнай весялосці і панк-пасылу абыходзяць нават “Ляпісаў” (дарэчы, такое параўнанне гадоў з шэсць таму гучала б смешна). А па энэргетыцы Кулінковіч і ягоны гурт дрэйфуюць недзе паміж сваімі ўлюбёнцамі – раннімі “Звуками Му” і панкамі Dead Kennedys.
Цягам дня альбом мусіць з’явіцца на афіцыйным сайце гурту.
-
«Усходні гігант», а сцэны на канцэрце — «вартыя Дантэ». Як уплывовае польскае выданне расказала пра Макса Каржа палякам
-
«Не вайне!» Як Макс Корж разрываў Варшаву і пра што казаў на сваім канцэрце? РЭПАРТАЖ
-
Беларуская скрыпачка дасць у Лондане першы канцэрт, цалкам прысвечаны сучаснай беларускай акадэмічнай музыцы
Цяпер чытаюць
«Часцей за ўсё жучок ставяць недалёка ад разетак». Як сілавікі праслухоўваюць беларусаў па тэлефоне і ў кватэрах6
Каментары