Аляксандар Мілінкевіч: Свабода — галоўная каштоўнасьць
Заявіў 2 траўня падчас урачыстага паседжаньня парлямэнтаў Польшчы і Літвы лідэр апазыцыі.
«Свабода з’яўляецца галоўнай каштоўнасцю, на аснове якой фарміруецца грамадзянская пазіцыя чалавека», — заявіў 2 мая падчас урачыстага пасяджэння парламентаў Польшчы і Літвы адзін з лідэраў беларускай апазіцыі Аляксандр Мілінкевіч, паведамляе прэс‑служба палітыка.
Урачыстае пасяджэнне парламентаў Польшчы і Літвы было прысвечана гадавіне прыняцця Канстытуцыі 3 мая 1791 года.
А.Мілінкевіч падкрэсліў, што «для беларусаў Канстытуцыя 3 мая з’яўляецца часткай сумеснай спадчыны нашых народаў». «У Рэчы Паспалітай не дзяржава ўладарыла над грамадзянамі, а грамадзяне ўладарылі над дзяржавай, — сказаў палітык. — Сённяшнія ўлады Беларусі хочуць выкрасліць памяць аб традыцыях Рэчы Паспалітай. Вернуты ў школы савецкія падручнікі, не дапускаецца выкладанне на роднай мове, знішчаюцца помнікі культуры і архітэктуры».
А.Мілінкевіч падкрэсліў, што беларусы хочуць бачыць свабодную, дэмакратычную і незалежную Беларусь. «Я ўпэўнены, што нам удасца гэтага дасягнуць, у тым ліку і дзякуючы вашай дапамозе», — падкрэсліў палітык, звяртаючыся да польскіх і літоўскіх парламентарыяў.
Цяпер чытаюць
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары