Ратавальнікам удалося прадухіліць гібель 48 чалавек.
За мінулыя выхадныя, 26 і 27 мая, у Беларусі загінулі на вадзе 36 чалавек, у тым ліку сем непаўналетніх. Пра гэта паведаміў БелаПАН спецыяліст Беларускага рэспубліканскага таварыства ратавання на водах («Асвод») Віктар Прыгодзіч.
Паводле яго слоў, усе трагедыі адбыліся на вадаёмах, якія не ахоўваюцца, — там, дзе няма пастоў і станцый «Асвода». Ратавальнікам у мінулыя выхадныя ўдалося прадухіліць гібель 48 чалавек.
Як паведаміў В.Прыгодзіч, адной з прычын трагедый на вадзе была рэзкая розніца тэмпературы паветра і вады, якая яшчэ не паспела прагрэцца. Пры пагружэнні разгарачанага чалавека ў халодную ваду магчымы спазм сасудаў, у выніку якога адбываецца кароткачасовая страта прытомнасці. Апрача таго, больш за 50% тапельцаў знаходзіліся ў стане алкагольнага ап’янення.
Паводле інфармацыі Міністэрства статыстыкі і аналізу, за першыя тры месяцы 2007 года ў Беларусі загінулі на вадзе 116 чалавек.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі12
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3939
Каментары