Мэтафізычны вайсковы эпас Тэрэнса Маліка і турэцка-нямецкая мэлядрама ляўрэата Бэрлінскага кінафэсту Фаціха Акіна
СТВ, 20.10
Тонкая чырвоная лінія
ЗША – Канада, 1996, каляровы, 170 хв.
Рэжысэр: Тэрэнс Малік
Ролі выконваюць: Шон Пэн, Нік Нолт, Джордж Клуні, Джон Траволта, Джон Сэвідж, Эдрыен Бродзі, Джэймз Кэвізэл, Бэн Чаплін, Джон К’юсак, Вудзі Гарэльсан, Эліас Котэас
Жанр: Вайсковая драма паводле аўтабіяграфічнай кнігі Джэймза Джонза
Прызы: “Залаты мядзьведзь” Бэрлінскага кінафэсту
Амэрыканскія пэхацінцы высадзіліся, каб дапамагаць абараняць Гвадалканал. Але нечакана пасьпяховая высадка зьмяняецца адступленьнем і крывавымі баямі…
Рэжысэр Тэрэнс Малік (“Дні жніва” “Пустэчы”) рэдка здымае кіно, але гэта не перашкаджае быць яму быць жывым клясыкам – і найлепшыя акторы лічаць за гонар працаваць у яго ледзьве не бясплатна (у гэным фільме сцэны зь Білам Пулманам і Мікі Руркам, увогуле, былі выразаныя падчас мантажу).
Малік надае сваім эпасам мэтафізычнае вымярэньне, пераўтварае іх у сучасныя антычныя трагедыі з выкшталцонай сьветлавой драматургіяй – і залімітным экзыстэнцыйным псыхалягізмам.
У «Тонкай чырвонай лініі» рэжысэр засяроджваецца трагедыі людзей, якія спрабуюць выжыць – у экстрэмальнае сытуацыі.
Паўтор у нядзелю, 3 чэрвеня, на СТВ а 01.25
СТВ, 23.40
Галавой аб сьцену
Нямеччына – Турцыя, 2004, каляровы, 123 хв.
Рэжысэр: Фаціх Акін
Ролі выконваюць: Сібэль Кекілі, Біроль Унэль, Катрын Штрыбэк, Гювен Кірач, Мельтэм Кумбуль, Штэфан Гебельхоф
Жанр: Мэлядрама
Прызы: “Залаты мядзьведзь” Бэрлінскага кінафэсту
Чаіт – нямецкі грамадзянін з турэцкімі каранямі – пасьля сьмерці жонкі шмат п’е. У шпіталі ён знаёміцца з турчанкай Сібэль, якая спрабавала зрабіць сабе сьмерць…
Мэлядрама - якая зачаравала фэстывальную публіку і паспалітых гледачоў.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары