Людзі тыдня
Удзень 14 траўня на 25-м кілямэтры шашы Заслаўе—Калодзішчы ў аварыю трапіў Уладзімер Мулявін. “Пясьняр”, які ехаў на сваім “Мэрсэдэсе-420”, ня даў рады кіраваньню — машына вылецела на ўзбочыну, некалькі разоў перакулілася і далася ў дрэва. Мулявін у крытычным стане трапіў у 2-ю клінічную больніцу Менску.
Футбольны трэнэр Валеры Лабаноўскі любіў сваю бацькаўшчыну і сваю працу. Л.Кучма прысвоіў яму званьне Героя Ўкраіны пасьмяротна.
Папа Ян Павал II адкінуў магчымасьць добраахвотнай адстаўкі. У суботу папу споўніцца 82 гады, ён цяжка хварэе. Апошнім пантыфікам, які сам пайшоў у адстаўку (у 1294 г.), быў Цэлестын V.
17 траўня спаўняецца 50 гадоў з дня нараджэньня бізнэсмэна Анатоля Красоўскага, які прапаў разам зь Віктарам Ганчаром. З гэтай нагоды з 13-й да 14-й АГП ладзіць ля ўнівэрсаму “Цэнтральны” ў Менску акцыю “Ланцуг неабыякавых людзей”.
МЗС Беларусі настойвае на працягу пошуку грамадзяніна Беларусі Аляксандра Новікава, які загінуў на касмадроме Байканур 12 траўня ў выніку абвалу даху. Астатніх ахвяраў ужо знайшлі і хацелі спыніць пошукі.
Цяпер чытаюць
Як беларусы ў Вільні адзначылі Дзень Волі ШМАТ ФОТА3
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1010
Каментары