Ці можа прадавацца аўтэнтычная народная музыка без папсовых прыхарошваньняў? Гурт «Гуда» не баіцца экспэрымэнтаваць на сабе: 25 траўня ён дасьць сольны канцэрт у Тэатры эстрады.
«Гуда» рэпэтуе ў менскім пэдунівэрсытэце. Шукаючы яе ў тамтэйшых лябірынтах, можна кіравацца на галасы, што поўняць гулкія ўвечары калідоры. Ніякага музычнага суправаджэньня. Ніякіх прыхарошваньняў. Аўтэнтыка і чысьціня.
«Мы ведаем, пра што сьпяваем», — не бяз гонару кажуць удзельніцы гурту. Каб рэканструяваць фальклёр, трэба грунтоўная тэарэтычная падрыхтоўка. Напрыклад, асьпірантура Інстытуту мастацтвазнаўства этнаграфіі й фальклёру, якая ў бальшыні спадарынь з «Гуды» ўжо за плячыма. Гэтым гурт і розьніцца ад безьлічы іншых фольк-калектываў. Каб правільна сьпяваць абрадавыя песьні («Гуда працуе пераважна зь імі), неабходна цалкам разумець, штоадчуваў выканаўца, што пазначае кожны элемэнт, зварот. Яшчэ адзін прафэсійны прынцып — ніколі не сьпяваць «калядных песень у жніво, а жніўных — на Каляды», бо так ня будзе рабіць ніводная бабулька, нават калі фальклярыст-зьбіральнік вельмі папросіць.
Рэканструяваныя «Гудай» песьні паўстаюць у максымальна чыстым выглядзе. Выканальніцкі эгаізм, і адпаведна «папсовасьць», зьведзеныя да мінімуму. Ніякага шоў, ніякага бізнэсу. Ці можа прадавацца такі прадукт? Відаць, можа, калі на яго спакушаюцца аўдыёпіраты. Песьні «Гуды», не спытаўшы дазволу, вывесілі на сваім інтэрнэт-сайце расейскія паганцы. У анатацыі дыск характарызуецца як «славянские песнопения», а слова «беларускі» адсутнічае наагул.
Другі прыклад «прадавальнасьці» непапсовай аўтэнтыкі — ірляндзкая музыка. Згадка пра дыхтоўна выдадзеныя сьпевы й найгрышы Зялёнае выспы выклікаў скрушны ўздых ва ўдзельніц «Гуды». «Ірляндцы так пісьменна, дабротна паднесьлі этнічны матэрыял! Сьвет слухае й дзівіцца — нібыта няма нічога лепшага. А тут жа ўся справа ў падачы: каб нашыя сьпевы, нашу міталёгію так падаць, было б яшчэ й лепей!»
Поўны варыянт артукулу чытайце ў газэце "Наша Ніва"
Сяргей Мікулевіч
Цяпер чытаюць
Бліжэйшым часам будуць вызвалены больш за 150 палітзняволеных26
Каментары