Сьвятлана Калінкіна сышла з пасады галоўнага рэдактара «Белорусской деловой газеты».
Яна чарговы раз зьбіраецца пісаць кнігу. Папярэднюю кнігу «Выпадковы прэзыдэнт» Калінкіна напісала ў суаўтарстве з Паўлам Шараметам летась — падчас вымушанага адпачынку, калі выхад «БДГ» быў прыпынены на тры месяцы. Паводле нашых зьвестак, той выдадзены ў Расеі том выклікаў моцнае раздражненьне сярод лукашыстаў. Новую кнігу Калінкіна таксама піша ў суаўтарстве з Шараметам (на фота — разам). Кажа, што кніга будзе публіцыстычнай, пра Беларусь. «Але яе зьяўленьне — гэта справа не аднаго тыдня і нават ня месяца», — зазначае Калінкіна.
Галоўным рэдактарам «БДГ» зноў стаў Пятро Марцаў. Ён кажа, што пакуль ня бачыць кандыдатуры, вартай узначаліць калектыў «БДГ», таму кіруе газэтай сам. Пра сыход Калінкінай ён гаворыць неахвотна: «Яна напісала заяву пра сыход, я не пярэчыў. Можаце напісаць, што сышла з узаемнай згоды». Марцаў адмаўляе палітычныя матывы пры зьмене галоўнага рэдактара.
АШ
Каментары